پشاور(پاکستان پوائنٹ نیوز02۔دسمبر2017ء) زرعی یونیورسٹی اُتے حملا کرن والے دہشت گرداں ولوں ورتے جان والے رکشے دی نمبر پلیٹ تے چیسی نمبر جعلی نکلیا اے، حملا آوراں نے ورتے گئے رکشے دا چیسی نمبر ٹیمپر کرایا اے۔ میڈیا رپورٹس مطابق سکیورٹی اداریاں ولوں زرعی یونیورسٹی پشاور وچ دہشت گرد حملے دیاں تحقیقات وچ ایہ گل ساہمنے آئی اے کہ حملے وچ ورتے جان والے رکشے دی نمبر پلیٹ تے چیسی نمبر جعلی اے۔
حملا آوراں ولوں ورتے گئے رکشے دا چیسی نمبر ٹیمپر کرا یاگیا اے۔ حکومتی ریکارڈ مطابق دستاویزات وچ رکشے دا اصل چیسی نمبر این اے آر 79015اے جدکہ ٹیمپرنگ مگروں چیسی نمبر این اے آر 86455کیتا گیا اے۔ ایسے طرحاں دستاویزات وچ رکشے دا نمبر جی بی 5769اے تے رکشا ابراہیم دے ناں اُتے رجسٹرڈ اے۔ یاد رہوے کہ پچھلے دیہاڑے پشاور دی زرعی یونیورسٹی وچ دہشت گرد ولوں کیتے گئے حملے دوران 13بندے شہید جدکہ 30توں ودھ زخمی ہو گئے سن۔میڈیا رپورٹس مطابق زرعی یونیورسٹی وچ حملا کرن والے دہشت گرد افغانستان وچ رابطے وچ سن۔
