فوج دے بغیر آدم شاری ممکن نہیں: آصف باجوہ آدم شماری آن والے ورھے مارچ یاں اپریل وچ ہوئے گی: میڈیا نال گل بات

اسلام آباد(پاکستان پوائنٹ نیوز(01۔ستمبر2016ء) گنتی کاری دے ادارے (ادارا شماریات) دے سربراہ آصف باجوہ نے آکھیا کہ اے فوج دے بغیر آدم شماری ممکن نہیں، فوج دی موجودگی وچ آن والے ورھے مارچ یاں اپریل وچ آدم شماری متوقع اے۔گنتی کاری دے ادارے (ادرا شماریات)دے سربراہ آصف باجوہ نے اسلام آباد وچ پرچا کاراں نال گل بات کردے ہوئے آکھیا کہ آدم شماری پاک فوج دی موجودگی نال مشروط اے، فوج دے بغیر آدم شماری نہیں کر اسکدے تے فوج اجے ضرب عضب وچ رُجھی ہوئی اے۔ آصف باجوہ نے آکھیا کہ آدم شماری آن والے ورھے مارچ یاں اپریل وچ متوقع اے۔ اوہناں نے دسیا کہ آدم شماری لئی صرف 14 ارب رُپئے وچوں 1 ارب 90 کروڑ جاری ہو گئے نیں۔ آدم شماری لئی دو لکھ 5 ہزار سویلین بندے چاہیدے نیں۔