پنجاب پولیس نے پہلی وار جرائم پیشا بندیاں دا ڈیٹا ترتیب دے دِتا۔

لاہور شہر وچ جرائم پیشا بندیاں دی گنتی 55 ہزار، پنجاب بھر سوا 2 لکھ: رپورٹ

پنجاب پولیس نے پہلی وار جرائم پیشا بندیاں دا ڈیٹا ترتیب دے دِتا۔
لاہور شہر وچ جرائم پیشا بندیاں دی گنتی 55 ہزار، پنجاب بھر سوا 2 لکھ: رپورٹ

لاہور(پاکستان پوائنٹ نیوز(01۔ستمبر2016ء) پنجاب پولیس نے پہلی وار جرائم پیشا بندیاں دا ڈیٹا ترتیب دے دِتا، اک کروڑ دی آبادی والے لاہور وچ جرائم پیشا بندیاں دی گنتی 55 ہزار تیکر پہنچ گئی جدکہ صوبے بھر وچ جرائم پیشا بندے سوا دو لکھ توں وی زیادہ نیں۔ میڈیا رپورٹ دے مطابق پنجاب پولیس ولوں ترتیب دِتے گئے آنکڑیاں دے مطابق صوبے بھر وچ جرائم پیشا بندیاں دی گنتی سوا لکھ توں وی زیادہ اے جہناں وچوں اک لکھ توں ودھ جرائم پیشا بندیاں دے فنگر پرنٹس وی لِتے گئے نیں جدکہ باقی بچ جان والے بندیاں دے فنگر پرنٹس لین دا کم جاری اے۔

ڈیٹا وچ جرائم پیشا بندیاں دے وال تے رنگ تیکر دا ذکر کیتا گیا اے۔ پنجاب پولیس نے ایہ فیصلا وی کیتا اے کہ ساڈھے 4 کروڑ رُپئے دی لاگت نال فنگر پرنٹ میچ سسٹم وی مُل لیا جائے گا جہدے بعد مجرم قانون توں بچ نہیں سکے گا۔ یاد رہوے کہ 2016 توں ہن تیکر صوبے بھر وچ دو لکھ اک ہزار 839 مقدمے درج کیتے گئے نیں جدکہ 2015 وچ ایہ گنتی اک لکھ 94 ہزار 552 سی۔