کوئٹہ(پاکستان پوائنٹ نیوز(01۔ستمبر2016ء) پاکستان تے افغانستان دے سرحدی حکام وچکار ہون والے کامیابی مذاکرات دے بعد آخیر 14 دِناں بعد چمن وچ واقع دوستی بوہا کھول دِتا گیا۔ سکیورٹی وسیلیاں دے مطابق بدھ نوں پاک افغان سرحدی حکام وچکار ہون والی ملاقات وچ افغان وفد ولوں ایس گل دا یقین دوایا گیا کہ آن والے ویلے وچ اِنج دے واقعات نہیں ہون گے تے اوہناں نے ایس واقعے اُتے افسوس دا وکھالا وی کیتا۔
افغان حکام نے ایہ وی آکھیا کہ ایس واقعے وچ کوئی تیجی طاقت شامل اے جو پاکستان تے افغانستان وچکار تعلقات نوں خراب کرنا چاہندی اے۔ جدکہ فریقاں نے سانجھے تعاون نوں ودھان لئی ، تے رابطیاں نوں بہتربنان اُتے اتفاق کردے ہوئے دو پاسی تجارتی بوہیاں نوں دوبارہ کھولن دا ارداہ کیتا تے ایس سلسلے وچ جمعرات دی سویر چمن بارڈر اُتے ٹرکاں دی آوا جاوی جاری رہی۔