ساڈے تے عمران خان وچکار مک مکا ہو گیا اے: عابد شیر علی دا دعوا

اسلام آباد(پاکستان پوائنٹ نیوز22۔نومبر2017ء) عابد شیر علی ولوں دعوا کیتا گیا اے کہ ساڈے تے عمران خان وچکار مُک مُکا ہو گیا اے۔ تفصیل مطابق وفاقی وزیر و (ن) لیگ دے رہنما عابد شیر علی ولوں دعوا کیتا گیا اے کہ تحریک انصاف دے سربراہ عمران خان دا وی اوہناں دی جماعت نال مُک مُکا ہو گیا اے۔ عابد شیر نے ایہناں خیالاں اظہار پچھلے دیہاڑے قومی اسمبلی اجلاس وچ اپوزیشن دے بل دے رد ہون مگروں کیتا۔ عابد شیر علی دا کہنا سی کہ عمران خان نے قومی اسمبلی اجلاس وچ رلت نہ کر کے اوہناں دی حکومت دی مدد کیتی۔ عابد شیر علی دا ہور کہنا سی کہ عمران خان وی نواز شریف نال رلے ہوئے نیں۔