سپریم کورٹ نے وی حکومت نوں فیض آباد دھرنا ختم کروان دا حکم دے دتا

سپریم کورٹ نے وی حکومت نوں فیض آباد دھرنا ختم کروان دا حکم دے دتا

اسلام آباد(پاکستان پوائنٹ نیوز21۔نومبر2017ء) سپریم کورٹ نے وی حکومت نوں فیض آباد دھرنا ختم کروان دی ہدایت کردتی اے۔ تفصیل مطابق سپریم کورٹ ولوں اسلام آباد دے علاقے فیض آباد وچ جاری مذہبی جماعتاں دے دھرنے دے حوالے نال تحریری حکم نامہ جاری کر دتا گیا اے۔ حکم نامے وچ حکومت نوں فیض آباد دھرنا ختم کروان دی ہدایت کیتی گئی اے۔ تحریری فیصلے وچ ہور آکھیا گیا اے کہ دھرنے کارن لوکاں دے بنیادی آئینی حق متاثر ہو رہے نیں۔ جڑواں شہراں دے واسی شرپسنداں ہتھوں یرغمال بنے ہوئے نیں۔ پڑھیاراں تے روگیاں نوں دھرنے دی وجہ توں اوکڑاں دا ساہمنا اے۔ایس توں وکھ سپریم کورٹ دا کہنا اے کہ دھرنے وچ مندی زبان ورتی جا رہی اے۔پر حکومت راہ کھولن دی بجائے صرف مذاکرات وچ رُجھی اے۔