اسلام آباد(پاکستان پوائنٹ نیوز21۔نومبر2017ء) سپریم کورٹ نے نااہل بندے دے پارٹی صدر بنن خلاف شیخ رشید دی اپیل چیمبر وچ سنوائی لئی متھی لئی، چیف جسٹس ثاقب نثار کل اپنے چیمبر وچ درخاست دی سنوائی کرن گے۔ میڈیا رپورٹس مطابق سپریم کورٹ نے عوامی مسلم لیگ دے سربراہ شیخ رشید دی درخاست سنوائی لئی متھی لئی اے۔ شیخ رشید نے نااہل بندے دے پارٹی صدر بنن خلاف سپریم کورٹ وچ درخاست دائر کیتی سی۔
ایس توں پہلاں رجسٹرار سپریم کورٹ نے اعتراض لا کے درخاست رد کر دتی سی۔ پر چیف جسٹس سپریم کورٹ نے انتخابی اصلاحات ایکٹ پٹیشن اُتے اپیل سنوائی لئی متھ دتی اے۔ چیف جسٹس ثاقب نثار اپنے چیمبر وچ کل درخاست دی سنوائی کرن گے۔ یاد رہوے کہ حکومت نے انتخابی ایکٹ وچ نااہل بندے نوں پارٹی صدر بنان لئی بل پاس کیتا۔ جہدے اُتے نواز شریف پارٹی صدر بن گئے۔
