اسلام آباد(پاکستان پوائنٹ نیوز21۔نومبر2017ء) جسٹس (ر) جاوید اقبال بطور چیئرمین تقرری مگروں نیب وچ سادگی تے بچت دی نویں روایت پان لگے، نیب دے چیئرمین چاہ دا سامان وی گھروں لیان لگے۔ تفصیل مطابق چیئرمین نیب نے بطور نیب چیئرمین عہدہ سنبھالدے ای نیب افسراں نال ملاقاں وچ ایمانداری، محنت تے کفایت شعاری دا درس دتا تے آپ وی اوہدے اُتے عمل کر رہے نیں۔
مشہور پرچاکار سمیع ابراہیم نے اک نجی ٹی وی چینل وچ نیب دی کارکردگی اُتے گل بات کردے ہوئے دسیا کہ جسٹس (ر) جاوید اقبال دے چیئرمین دا عہدہ سنبھالدے ای نیب وچ کفایت شعاری دی روایت پین لگی اے ایتھوں تیکر کہ چیئرمین نیب چاہ دا سامان وی اپنے گھروں لیاندے نیں ۔ سمیع ابراہیم نے ہور دسیا کہ چیئرمین نیب بہت شفاف طریقے نال کم کر رہے نیں۔ بہت فون آئے پر اوہناں نے کوئی فون نہیں سُنیا۔ ہور ایہ کہ اوہ نیب دے پہلاں توں پئے کیساں نوں چھیتی نبیڑن لئی کوششاں کر رہے نیں۔
