اسلام آباد(پاکستان پوائنٹ نیوز31۔اگست 2016ء) دریائے جہلم اُتے 720 میگا واٹ دے کیروٹ ہائیڈرو پاور پراجیکٹ لئی سارے انتظامات کر لِتے گئے نیں، منصوبا اُتے کم جلدی شروع کر دِتا جائے گا، ایس منصوبے اُتے اک ارب 60 کروڑ ڈالر لاگت آئے گی تے ایہ پیسے چینی سلک روڈ فنڈ دے تحت فراہم کیتے جان گےء ایگزم بنک آف چائنہ تے چائنہ ڈویلپمنٹ بنک کیروت پاور کمپنی نوں قرضے جاری کرن گے جوکہ چین دی تھری گارجز کارپویشن دی ذیلی کمپنی اے، جدکہ 30 ورھیاں بعد ایہنوں پاکستان حکومت دے حوالے کر دِتا جائے گا۔
وزارت پانی و بجلی دے وسیلیاں دے مطابق منصوبے لئی قرضا ریائتی بنیاداں اُتے ہوئے گا۔ منصوبے دیاں تفصیلاں دے مطابق واٹر یوز چارجز دا 50.50 فیصد حصہ 30 سال لئی آزاد کشمیر تے پنجاب دیاں حکومتاں نوں ملے گا۔ 30 ورھیاں دے بعد ایہ منصوبا مکمل طور اُتے حکومت پنجاب دے حوالے کر دِتا جائے گا جو واٹر یوز چارجز دا 100 فیصد آزاد کشمیر حکومت نوں دیوے گی۔
ایہ منصوبے دریائے جہلم اُتے کیروٹ ہولا دے مقام اُتے بنایا جائے گا۔ ایہ منصوبا 46 ارب ڈالر دی چین پاکستان اقتصادی راہداری دا حصا اے تے امید اے کہ ایہ 2020 وچ مکمل ہوئے گا۔ منصوبا توں سالانا 3436 میگا واٹ بجلی پیدا ہووے گی جہنوں نیشنل گرڈ وچ شامل کیتا جائے گا۔ منصوبے دی اُچیائی 313 فٹ تے اوہدی لمبائی 1510 فٹ ہووے گی جدکہ پانی جمع کرن دی گنجائش اک لکھ 23 ہزار ایکڑ فٹ ہووے گی۔ کیروٹ ہائیڈرو پاور پراجیکٹ وچ 119 میگا واٹ دی چارٹر بائناں لائیاں جان گیاں۔
