کراچی(پاکستان پوائنٹ نیوز31۔اگست 2016ء) مشیر اطلاعات سندھ مولا بخش چانڈیو نے آکھیا اے کہ دینی مدرسیاں دی رجسٹریشن کرن دا فیصلا حتمی اے، رجسٹریشن لئی مدرسیاں دے تحفظات دور کیتے جان گے، اپیکس کمیٹی وچ بہت اہم فیصلے کیتے گئے نیں۔ تفصیل دے مطابق بدھ دے دیہاڑے اپیکس کمیٹی دے اجلاس دے بعد میڈیا نال گل بات کردے ہوئے مولا بخش چانڈیو نے آکھیا کہ سندھ وچ اسلحے دی نمائش دے قانون اُتے سختی نال پابندی کراواں گے۔
اوہناں نے آکھیا کہ کَھلاں جمع کرن والیاں دا آڈٹ کیتا جائے گا، جدکہ گڈیاں دیاں نمبر پلیٹاں دی تجدید دا وی فیصلا کیتا گیا اے۔ اوہناں نے آکھیا کہ ملک اندر دہشت گردی کِھلارن وچ غیر ملکیاں دے ملوث ہون دا وی وڈا رول اے، ساڈا ملک غیر معمولی حالات توں گزر رہیا اے۔ اوہناں دا کہنا سی کہ دوجے صوبیاں توں آن والے دہشت گردکراچی وچ وی کارروائیاں کردے نیں، صوبیاں وچکار آوا جاوی دا طریقا وی بہتری بنانا چاہیدا۔
