اسلام آباد(پاکستان پوائنٹ نیوز15۔نومبر2017ء) نیب نے اسحاق ڈار خلاف بطور ملزم حدیبیہ پیپر کیس دیاں تحقیقات فیر شروع کر دتیاں نیں، اسحاق ڈار خلاف تحقیقات سپریم کورٹ دے فیصلے دی روشنی وچ کیتیاں جا رہیا ں نیں۔ میڈیا رپورٹس مطابق نیب نے وزیر خزانہ اسحاق ڈار خلاف حدیبیہ کیس دیاں تحقیقات دوبارہ شروع کر دتیاں نیں۔ نیب اعلامیے مطابق وزیر خزانہ اسحاق ڈار خلاف حدیبیہ کیس وچ اوس ویلے تحقیقات ختم کر دتیاں گئیاں سن جدوں اوہ حدیبیہ کیس وچ نواز شریف خلاف وعدہ معاف گواہ بن گئے سی۔
ترجمان نیب دا کہنا اے کہ اسحاق ڈار خلاف تحقیقات سپریم کورٹ دے فیصلے کارن شروع کیتیاں جا رہیاں نیں۔ سپریم کورٹ دے حکم مطابق اسحاق ڈار خلاف حدیبیہ پیپرز کیس بارے سارے قانونی تقاضے پورے کیتے جان گے۔ یاد رہوے کہ وزیر خزانہ اسحاق ڈار اُتے نیب عدالت وچ دائر ریفرنسز اُتے فرد جرم لگ گئی اے۔ پر اوہ پچھلے کُجھ چِر توں نیب ریفرنسز کیس وچ احتساب عدالت وچ وی پیش نہیں ہو رہے نیں۔ اسحاق ڈار دل دے روگ کارن لندن وچ علاج لئی موجود نیں۔
