سندھ: گھوٹکی نیڑیوں گیس دے وڈے ذخیرے دریافت

گھوٹکی(پاکستان پوائنٹ نیوز14۔نومبر2017ء) سندھ وچ گھوٹکی نیڑیوں گیس دے وڈے ذخیرے دریافت ہوئے نیں۔ تفصیل مطابق سندھ دے ضلع گھوٹکی نیڑیوں گیس دے وڈے ذخیرے دریافت کر لے گئے نیں۔ ذخیرے ماری پٹرولیم کمپنی ولوں دریافت کیتے گئے نیں۔ دریافت کیتے گئے ذخیریاں توں روز ڈیڈھ کروڑ مکعب فٹ گیس حاصل ہو سکے گی۔ ایہناں ذخیریاں دی دریافت مگروں پاکستان وچ گیس دی کمی دے خاتمے وچ مدد ملے گی۔ایتھے ایہ گل ذکر جوگ اے کہ اک قومانتری ادارے دی رپورٹ وچ دعوا کیتا گیا اے کہ تیل و گیس دے نویں ذخیریاں دی دریافت وچ پاکستان دنیا بھر وچ پہلے نمبر اُتے اے۔