ایل او سی: بھارتی فوج دی انھے واہ فائرنگ، 75ورھیاں دی محمودہ بیگم شہید

راولپنڈی(پاکستان پوائنٹ نیوز14۔نومبر2017ء) بھارتی فوج ولوں لائن آف کنٹرول اُتے سیز فائر دیاں خلاف ورزیاں دا سلسلا جاری اے، بھارتی فوج دی انھے واہ فائرنگ دے نتیجے وچ75ورھیاں دی محمودہ بیگم شہیدہو گئی۔ آئی ایس پی آر مطابق بھارتی فوج نے اج فیر لائن آف کنٹرول اُتے سیز فائر سمجھوتے دی خلاف ورزی کیتی اے۔ بھارتی فوج نے چری کوٹ سیکٹر وچ ککوٹا پنڈ نیڑے انھے واہ فائرنگ کر دتی۔ فائرنگ دے نتیجے وچ پاکستانی سوانی محمودہ بیگم شہید ہو گئی۔ پاک فوج نے بھارتی فورسز دی انھے واہ فائرنگ دا مونہ توڑ جواب دتا۔ پاک فوج نے جوابی کارروائی کردے ہوئے بھارتی بنکرز نوں وی نشانہ بنایا۔ پاک فوج دی جوابی فائرنگ دے نال ای بھارتی فائرنگ دا سلسلا رُک گیا۔