کراچی(پاکستان پوائنٹ نیوز09۔نومبر2017ء) کراچی توں ایم کیو ایم پاکستان دے اہم رہنما نے پاکستان پیپلز پارٹی وچ رلتی ہون دا اعلان کیتا اے۔ تفصیل مطابق متحدہ قومی موومٹ دے رہنما و سابق صوبائی وزیر ڈاکٹر محمد علی دے پُتر ڈاکٹر جنید علی نے پیپلز پارٹی وچ رلتی ہون دا فیصلاکیتا اے ۔ایم کیو ایم پاکستان دے ڈاکٹر جنید علی نے اج پاکستان پیپلز پارٹی دے شریک چیئرمین آصف علی زرداری نال ملاقات کیتی۔
ملاقات دوران اوہ پیپلز پارٹی وچ رلتی ہوگئے۔ یاد رہوے کہ متحدہ قومی موومنٹ پاکستان نے کل پی ایس پی نال سانجھا الائنس بنان دا فیصلا کیتا پر ایس فیصلے توں ایم کیو ایم دے کئی رہنما خش نہیں نیں ۔ ایس توں وکھ ایم کیو ایم دے رکن قومی اسمبلی علی رضا عابدی نے استعفا دین دا اعلان کیتا سی۔
