اسلام آباد(پاکستان پوائنٹ نیوز09۔نومبر2017ء) وزیر اعظم شاہد خاقان عباسی نے وزیر خزانہ لئی پارٹی توں نویں ناں منگ لئے نیں۔ تفصیل مطابق وزیر خزانہ اسحاق ڈار نے اپنے اُتے بنن والے نیب مقدمیاں مگروں پاکستان واپس نہ آن دا فیصلا کیتا اے۔ ایس حوالے نال شیخ رشید دا دعوا اے کہ اسحاق ڈار نے ہن باہرلے ملک ای رہن دا فیصلا کیتا اے۔ ایس ساری صورتحال وچ وزیر اعظم نے اسحاق ڈار نوں وزارت خزانہ دے عہدے توں ہٹان دا وی فیصلا کر لیا جدکہ وزیر اعظم شاہد خاقان عباسی نے وزیر خزانہ لئی پارٹی توں نویں ناں منگ لئے نیں۔
ملک دے نویں وزیر خزانہ دے ناں دا ممکنہ طور اُتے چھیتی اعلان کر دتا جائے گا۔ یاد رہوے کہ اسحاق ڈار اجکل لندن وچ نیں۔ ایس توں وکھ اسحاق ڈار دا دعوا اے کہ اوہناں دی طبیعت وِگڑ گئی اے تے لندن وچ اوہناں دا علاج جاری اے۔
