قانون دے تحت وسیم اختر نوں جیل وچ کوئی دفتر نہیں مل سکدا: محکما داخلا سندھ

کراچی(پاکستان پوائنٹ نیوز30۔اگست 2016ء) محکما داخلا سندھ نے میئر کراچی وسیم اختر نوں قائد اعظم دے مزار اُتے جان دی اجازت نہیں دِتی، جہدے پاروں وسیم اختر پولو گراؤنڈ توں سنٹرل جیل چلے گئے۔ وسیلیاں دے مطابق محکما داخلا سندھ دا کہنا اے کہ جیل مینول دے تحت سارے قیدی برابر ہوندے نیں۔ جیل وچ کسے مجرم نوں انفرادی سہولتاں نہیں دِتیاں جا سکدیاں۔ قانون دے تحت وسیم اختر نوں جیل وچ کوئی دفتر نہیں مل سکدا۔ دوجے پاسے میئر کراچی وسیم اختر نے حلف چُکن دے بعد قائد اعظم دے مزار اُتے جان دی خاہش دا اظہار کیتا پر سکیورٹی اداریاں نے اوہناں نوں اوتھے جان توں منع کردے ہوئے اوہناں نوں جیل منتقل کر دِتا اے۔