لاہور(پاکستان پوائنٹ نیوز30۔اگست 2016ء) پاکستان تحریک انصاف دی رکن پنجاب اسمبلی سعدیہ سہیل نے سرکاری سکولاں وچ بالاں دی گنتی گھٹ ہون اُتے تحریک التوا پنجاب اسمبلی سیکرٹریٹ وچ جمع کروا دِتی۔ اپنی تحریک التوا وچ اوہناں نے آکھیا کہ حکومتی دعویاں دے باوجود سرکاری سکولاں توں چار ورھیاں دے دوران 5 ہزار بال گھٹ ہو گئے نیں ، بالاں دی گنتی 5 لکھ 91 ہزار رہ گئی اے۔
سعدیہ سہیل نے آکھیا کہ محکما تعلیم دا ضلع لاہور وچ کم کاری دا پول کُھل گیا اے۔ حکومتی دعویاں دے باوجود سرکاری سکولاں وچ بالاں دی گنتی گھٹ ہو رہی اے، حکومت ولوں شروع کیتی گئی یونیورسل پرائمری انرولمنٹ مہم ناکام ہون دا خدشا پیدا ہو گیا اے۔ سعدیہ رانا دا کہنا اے کہ آبادی ودھن نال سکولاں وچ بالاں دی گنتی ودھ ہون دی بجائے گھٹ ہونا حکومتی دعویاں اُتے سوالیا نشان اے۔
