کراچی(پاکستان پوائنٹ نیوز30۔اگست 2016ء) سندھ ہائی کورٹ وچ ایم کیو ایم اُتے پابندی لئی درخاست دائر کر دِتی گئی۔ تفصیل دے مطابق منگل دے دیہاڑے ایم کیو ایم اُتے پابندی لئی درخاست سندھ ہائی کورٹ وچ جمع کروا دِتی گئی اے ۔ درخاست مولوی اقبال حیدر نامی بندے نے جمع کروائی جہدے وچ موقف اختیار کیتا گیا اے کہ ایم کیو ایم خلاف دہشت گردی ایکٹ تے پاکستان سکیورٹی ایکٹ دے تحت مقدما درج کر کے پابندی لائی جاوے۔
جدکہ درخاست وچ ہور آکھیا گیا اے کہ سپیکر قومی اسمبلی، چیئرمین سینیٹ تے سپیکر سندھ اسمبلی نوں ہدایت کیتی جائے کہ ایم کیو ایم دے ارکان پارلیمنٹ دی نااہلی دے ریفرنس الیکشن کمیشن گھلے ۔درخاست گزار دا موقف اے کہ سارے ارکان پارلیمنٹ الطاف حسین دے ناں اُتے چُنے گئے، ایس لئی اوہناں نوں نااہل قرار دِتا جائے۔
