کراچی(پاکستان پوائنٹ نیوز30۔اگست 2016ء) انسداد دہشت گردی دی عدالت نے شاہ حامد قتل کیس وچ ایم کیو ایم ولوں نائن زیرو دے سکیورٹی انچارج منہاج قاضی اُتے فرد جرم لا دِتی اے۔تفصیل دے مطابق منگل دے دیہاڑے کراچی وچ انسداد دہشت گردی دی خصوصی عدالت وچ کے ای ایس سی دے چیئرمین شاہد حامد دے قتل بارے کیس دی سنوائی ہوئی، سنوائی دے دوران کیس دے ملزم تے ایم کیو ایم دے مرکز نائن زیرو دے سابق سکیورٹی انچارج منہاج قاضی نوں سخت سکیورٹی وچ عدالت لیاندا گیا۔
عدالت نے منہاج قاضی اُتے فرد جرم عائد کیتی پر ملزم نے جرم قبولن توں انکار کیتا۔ جہدے بعد کیس دی سنوائی ملتوی کر دِتی گئی۔یاد رہوے کہ سابق ایم ڈی کے ایس سی شاہد حامد نوں 1997 وچ قتل کیتا گیا سی، ایس کیس وچ صولت مرزا نوں پہلے ای پھانسی دِتی جا چکی اے جدکہ ایم کیو ایم دے بانی سنے 5 ملزماں نوں اشتہاری قرار دِتا جا چکیا اے۔
