اسلام آباد(پاکستان پوائنٹ نیوز30۔اگست 2016ء) پاکستان تحریک انصاف دے سینئر رہنما شاہ محمود قریشی نے آکھیا اے کہ پاناما لیکس دیاں تحقیقات لئی اوہناں دی جماعت ہر اوہ رستا ورتے گی جہڑا اوہدا حق اے۔ اک نجی ٹی وی نال گل بات کردے ہوئے شاہ محمود قریشی نے آکھیا کہ سڑکاں اُتے آنا ساڈا جمہوری تے سپریم کورٹ جانا قانونی حق اے، ایس لئی دوویں شیواں نوں نال لے کے ٹُراں گے۔
اوہناں دا کہنا سی کہ پی ٹی آئی نے سبھ توں پہلے پارلیمنٹ وچ آواز چکی تے پاناما لیکس دے ٹرمز آف ریفرنسز دے حوالے نال قایم کیتی گئی 12رکنی کمیٹی دا وی حصا ربنی، پر اوہناں دا کوئی فائدہ نہیں ہویا، کیوں جے اوہ ساڈے مطالبے نوں نہیں منیا گیا۔ اوہناں دا کہنا سی کہ جمہوریت وچ احتجاج کرنا ہر اک دا حق اے ایس لئی سانوں حق حاصل اے کہ اسیں سڑکاں اُتے جا کے آواز چُکیے۔
