لاہور(پاکستان پوائنٹ نیوز30۔اگست 2016ء) وزیر اعلا پنجاب شہباز شریف نے آکھیا اے کہ ملک نوں منفی سیاست دی نہیں بلکہ اتحاد، اتفاق تے اکٹھ دی لوڑ اے، احتجاجی سیاست کرن والے ملک و قوم دی خاطر ہوش کرن، وزیر اعظم نواز شریف دی قیادت وچ ملک معاشی لحاظ نال مستحکم ہو یا۔، پاکستان دے عوام ملک وچ ترقی تے خشحالی چاہندے نیں، امن و امان دی صورتحال وچ بے پناہ بہتری آئی، اج پاکستان پہلے توں زیادہ محفوظ، پرامن تے اقتصادی طور اُتے مستحکم اے۔
منگل دے دیہاڑے لاہور وچ مسلم لیگ (ن) دے وفد نال گل بات کردے ہوئے شہباز شریف نے آکھیا کہ پاکستان دی لوکائی ملک وچ ترقی تے خشحالی چاہندے نیں، امن و امان دی صورتحال وچ بے پناہ بہتری آئی اے، اج پاکستان پہلے توں کِدھرے زیادہ محفوظ، پرامن تے اقتصادی طور اُتے مستحکم ملک اے۔ وزیر ااعلا دا کہنا سی کہ وزیر اعظم نواز شریف دی قیادت وچ تِن ورھیاں دے دوران ملک معاشی لحاظ نال مستحکم ہویا اے، ملک نوں منفی سیاست دی نہیں بلکہ اتحاد تے اکٹھ دی لوڑ اے ایس لئی احتجاجی سیاست کرن والیاں نوں ملک و قوم دی خاطر ہوش کرنی چاہیدی۔
وزیر اعلا پنجاب نے واضح کیتا کہ ملک نوں منفی سیاست دی نہیں بلکہ اتحاد دی لوڑ اے۔ شہباز شریف دا کہنا سی کہ توانائی بحران دے خاتمے لئی کئی منصوبے جاری نیں، اج پاکستان پہلے توں کِدھرے زیادہ محفوظ پرامن تے اقتصادی طور اُتے مستحکم ملک اے۔
