اسلام آباد(پاکستان پوائنٹ نیوز30۔اگست 2016ء) پاکستانی پڑھیار نے ناسا (نیشنل ایروناٹکس اینڈ سپیس ایڈمنسٹریشن) دے مقابلے وچ دوجی پوزیشن لے لتی۔ اولیول دے پڑھیار شاہ میر اعزاز نے گریڈ 7 توں 12 تیکر دے پڑھیاراں لئی منعقد کیتے گئے سالانا ڈیزائن مقابلے وچ حصا لیا۔ شاہ میر نے اپنے ڈیزائن ٹائٹل ”بیونڈا نفینیٹی“ لئی دوجی پوزیشن لِتی۔ یاد رہوے کہ ہر سال دنیا بھر توں دو توں 5 نِکے گروپ یاں 6 لوکاں دے وڈے گروپاں نوں ناسا ایمز فار ججمنٹ وچ سپیس شیلمنٹ ڈیزائن جمع کروان لئی دعوت دِتی جاندی اے۔
تے ایہ مقابلا 1994 توں جاری اے۔ چالو ورھے 300 اُستاداں دی نگرانی ہیٹھ 3 ہزار پڑھیاراں نے 994 ڈیزائن جمع کروائے۔ سبھ انٹریز امریکا دیاں 14 مختلف ریاستاں تے دنیا بھر دے 21 ملکاں توں کروائیاں گئیاں سن جہناں وچوں پاکستانی پڑھیار نے دوجا انعام لِتا اے۔
