اسلام آباد(پاکستان پوائنٹ نیوز07۔نومبر2017ء) مسلم لیگ (ن) دی مرکزی رہنما مریم نواز شریف نے آکھیا اے کہ افسوس‘ نواز شریف توں انتقام لین لئی اداریاں دی ساکھ نوں ڈاڈھا نقصان اپڑایا گیا، مظلوم نواز شریف نہیں انصاف آپ اے‘ نواز شریف دا ہیرو وانگ استقبال ہوندا اے، ایہ اوہی مریم اے جہدا ذکر پہلے فیصلے وچ نہیں آیا۔ میڈیا رپورٹس مطابق اوہناں نے احتساب عدالت وچ پیشی مگروں سوشل میڈیا اُتے جاری اپنے بیان وچ آکھیا کہ گل کُجھ ہور اے۔
تھوڑے چِر لئی فائدہ چُکن والے غلطی اُتے نیں ایہ نقصان برداشت کرن گے۔ مریم نواز دا کہنا سی کہ نواز شریف جتھے وی جاندے نیں اوہناں دا ہیرو وانگ استقبال کیتا جاندا اے۔ اللہ تعالی نواز شریف اُتے مہربان اے۔ اوہناں نے ہور آکھیا کہ اج قانون تے انصاف وی شرمندہ اے۔ مظلوم نواز شریف نہیں بلکہ انصاف آپ اے۔ مریم نواز نے آکھیا کہ دوجی صورت وچ انصاف دی بدلی شکل ناقابل تصور اے۔
