فلم انڈسٹری دی مضبوطی ای فنکاراں دی مضبوطی اے: بشری انصاری

لاہور(پاکستان پوائنٹ نیوز29۔اگست 2016ء) مشہور اداکارہ بشری انصاری نے آکھیا اے کہ فلم انڈسٹری توں مایوسی تے ناامیدی دا انھیرا ختم ہو رہیا اے، نویاں فلماں کامیابی حاصل کر رہیاں نیں تے ایس توں حقیقت واضح ہوندی جا رہی اے کہ فلم انڈسٹری وچ فیر رونقاں بحال ہون والیاں نیں۔ اک انٹرویووچ اوہناں نے آکھیا کہ میری زندگی دی پہلی فلم ”جوانی پھر نہیں آنی“ میرے لئی وڈا خشگوار تجربا رہیا تے ایس تجربے پاروں میں ہور تجربے کرن دا ارادا وی کر چکی آں۔ اوہناں نے اک سوال دے جواب وچ آکھیا کہ فلم کراچی توں ہووے یاں لاہور توں اوہدے نال کوئی فرق نہیں پیندا، اصل گل تے صرف ایہ اے کہ ساڈی فلم پاکستانی اے۔ اوہناں نے آکھیا کہ فلم انڈسٹری دی مضبوطی ای فنکاراں دی مضبوطی اے۔