اسلام آباد(پاکستان پوائنٹ نیوز29۔اگست 2016ء) متحدہ قومی موومنٹ دے سینئر رہنما فاروق ستار نے دعوی کیتا اے کہ متحدہ دے سابق رکن اسمبلی آصف حسنین نے دباء وچ آکے پاک سرزمین پارٹی وچ رلت کیتی اے۔ اک انٹرویو وچ فاروق ستار نے آکھیا کہ ایہ سارا کُجھ اک دباء دے تحت ہویا اے تے ساڈے ایس فیصلے دی نفی کرن لئی کروایا گیا جہدے وچ اسیں الطاف حسین نال تعلق ختم کرن دا اعلان کیتا سی۔
اوہناں نے واضح طور اُتے آکھیا کہ آصف حسنین دے پارٹی چھڈن نال متحدہ نوں کوئی فرق نہیں پئے گا۔ اوہناں دا کہنا سی کہ جو پارٹی توں جانا چاہنداے خشی نال جا سکدا اے۔ ڈاکٹر فاروق ستار نے آکھیا کہ آصف حسنین دو دِناں تیکر رینجرز کول رہیا ، ایس لئی اوہناں دا ایہ فیصلا کسے دبائی دا نتیجا اے۔ متحدہ رہنما نے آکھیا کہ جدوں آصف حسنین رینجرز دی تحویل وچ رہیا تے اوہناں نے ایم کیو ایم دے اک رہنما نال رابطا کیتا پر ایس دوران اوہناں نے کسے قسم دے اختلافات یاں 22 اگست دی تقریر اُتے خفگی دا وکھالا نہیں کیتا سی۔
