سڑکاں اُتے بالاں دا جنم: رانا ثناء اللہ نے ذمے وار روگیاں نوں ای قرار دے دتا

سڑکاں اُتے بالاں دا جنم: رانا ثناء اللہ نے ذمے وار روگیاں نوں ای قرار دے دتا

لاہور(پاکستان پوائنٹ نیوز23۔اکتوبر2017ء) سڑکاں اُتے بالاں دے جنم لین دے کیساں بارے گل بات کردے ہوئے رانا ثناء اللہ نے ذمے وار روگیاں نوں ای قرار دے دتا اے۔ تفصیل مطابق وزیر قانون پنجاب رانا ثناء اللہ ولوں اک وار فیر جھیڑوا بیان دتا گیا اے۔ رانا ثناء اللہ نے سڑکاں اُتے زچگی کیساں دے معاملے اُتے ذمے وار روگیاں نوں ای قرار دتا اے۔ رانا ثناء اللہ دا کہنا اے کہ سڑکاں اُتے زچگی دے کیس ساہمنے آن وچ قصور وار آپ روگی ہوندے نیں کیونکہ اوہ ویلے اُتے ہسپتال نہیں پہنچدے۔

پردوجے پاسے حقیقت ایہ اے کہ پچھلے کُجھ دناں دوران ساہمنے آن والے کیساں وچ روگی ویلے سِر ای ہسپتال پہنچ گئے سن پر اوہناں نوں یاں تے ہسپتال وچ متعلقہ عملہ نہیں ملیا یاں فیر اوہناں نوں ہسپتال اندر وڑن توں ڈک دتا گیا۔