کراچی(پاکستان پوائنٹ نیوز27۔اگست 2016ء) کراچی دی مقامی عدالت نے بلدیہ ٹاؤن دُکھانت کیس انسداد دہشت گردی عدالت منتقل کرن دا حکم دے دِتا۔ فیکٹری مالکاں توں 5 کروڑ لین والے علی حسن قادری دی ضمانت دا فیصلا وی انسداد دہشت گردی عدالت کرے گی۔ میڈیا رپورٹ دے مطابق ہفتے دے دیہاڑے مجسٹریٹ ساؤتھ مقبول میمن دی عدالت وچ بلدیہ ٹاؤن دُکھانت دی سنوائی ہوئی۔
وکیل تے فیکٹری ملازماں سنے ہور لوک وی ایس موقع اُتے عدالت وچ موجود سن پر ایس دوران میڈیا نوں کوریج دی اجازت نہیں دِتی گئی۔ عدالت نے وکیلاں دے دلائل سنن دے بعد کیس انسداد دہشت گردی عدالت منتقل کرن دا حکم دے دِتا۔یاد رہوے کہ ضمنی چالان وچ فیکٹری مالک سنے 13 ملزماں نوں بے گناہ قرار دتا جا چکیا اے۔ وکیل سرکار شیخ دا کہنا اے کہ ایہناں ملزماں دی بے گناہی دا فیصلا انسداد دہشت گردی عدالت کرے گی تے فیکٹری مالکاں توں 5 کروڑ لین والے علی حسن قادری دی ضمانت دا فیصلا وی اے ٹی سی کورٹ کرے گی۔
