پنجاب سرکار نے سرگودھاوچ جدید ہسپتال بنان دی منظوری دے دِتی

سرگودھا(پاکستان پوائنٹ نیوز27۔اگست 2016ء) پنجاب سرکار نے سرگودھا وچ 250 بستریاں اُتے مشتمل جدید ہسپتال بنان دی منظوری دے دِتی۔ 250 بستریاں توں وکھ ہسپتال وچ 50بستریاں اُتے مشتمل جدید ایمرجنسی وارڈ وی بنایا جاوے گا۔ جدکہ ہسپتال دی اُساری اُتے چالو ورھے کم شروع کر دِتا جاوے گا جو دسمبر 2017 تیکر مکمل ہو جاوے گا۔ محکمہ صحت دے وسیلیاں دے مطابق حکومت نے سرگودھا وچ 250 بستریاں دے ہسپتال دی اُساری لئی جھال چکیاں روڈ، اجنالہ روڈ، 49 ٹیل فیصل آباد روڈ توں تھاں لین دا سوچیا اے۔ تجویز ایہ وی اے کہ ہسپتال نوں سلانوالی روڈجوکہ شہر دے نیڑے اے اوتھے بنایا جاوے تاں جے لوکاں نوں ہسپتال آن وچ آسانی رہوے۔