لاہور(پاکستان پوائنٹ نیوز17۔اکتوبر2017ء) پیپلز پارٹی دے شریک چیئرمین آصف زرداری نے آکھیا اے کہ عمران خان دی دلچسپی صرف وزیر اعظم بنن وچ اے‘ پنجاب جیالیاں دا گڑھ اے‘ پی ٹی آئی خیبر پختونخوا جدکہ (ن) لیگ صرف وسطی پنجاب دی حکمران جمات اے‘ کارکن الیکشن دی تیاری کرن‘ نواز شریف تے عمران خان نوں پنجاب وچ ہراواں گے۔ اوہناں نے اج پارٹی کارکناں نال خطاب کردے ہوئے آکھیا کہ ایس ویلے ملک اوکڑاں توں لنگھ رہیا اے۔
پاکستانی معیشت خطرناک سطح اُتے پہنچ گئی اے۔ سانوں بحراناں توں نکلن لئی ملکی فیصلے عقل مندی نال کرنے پین گے۔ 2013و چ معیشت نوں جتھے اسیں چھڈیا اج اوس توں وی پچھا نہ چلی گئی اے۔ اوہناں نے آکھیا کہ پنجاب جیالیاں دا گڑھ اے۔ ایہ 2018دے انتخابات وچ ثابت ہو جائے گا۔ پیپلز پارٹی وفاق دی جماعت اے۔ پی ٹی آئی خیبرپختونخوا جدکہ (ن) لیگ صرف وسطی پنجاب دی حکمران جماعت اے۔ پنجاب وی (ن) لیگ ہتھوں نکلدا جا رہیا اے۔ شریف برادران دے لاہور وچ پیر تلکنے شروع ہو گئے نیں۔ آصف زرداری نے کارکناں نوں ہدایت کیتی کہ اوہ الیکشن دی تیاری کرن۔ آن والا ویلا پیپلز پارٹی دا ہوئے گا۔
