مالاکنڈ(پاکستان پوائنٹ نیوز17۔اکتوبر2017ء) پاکستان تحریک انصاف دے چیئرمین عمران خان نے آکھیا اے کہ طاقتور تے کمزور لئی وکھ وکھ قانون نال قوماں تباہ ہو جاندیاں نیں‘ پنجاب تے سندھ وچ 6,6واریاں لین والے پولیس کیوں نہ ٹھیک کر سکے‘ اک سال دھرنے تے دوجا پانامہ وچ نکل گیا‘ دو سال دے تجربے نال کہنا واں کہ ملک چھیتی ای ٹھیک ہو جائے گا۔ منگل نوں عمران خان نے مالاکنڈ یونیورسٹی وچ تقریب نال خطاب کردے ہوئے آکھیا کہ گورننس تے لیڈر شپ اک دوجے نال جُڑیاں نیں۔
اوہناں نوں سمجھنا ضرری اے‘ پاکستان ایشیا وچ سبھ توں ودھ ترقی کر رہیا سی۔ پی آئی اے 330ارب رُپئے دا نقصان کر رہی اے۔ جدوں گورننس ٹھیک نہ ہوئے تے ادارے تباہ ہوجاندے نیں۔ اوہناں دا کہنا سی کہ ملک تباہ ہوندا جا رہیا اے۔ ملک دا سربراہ پھڑے جان اُتے ایہ نہیں آکھی دا ’مجھے کیوں نکالا‘۔ اوہناں دا کہنا سی کہ طاقتور تے کمزور لئی وکھ وکھ قانون نال قوماں تباہ ہو جاندیاں نیں۔عمران خان دا ہور کہنا سی کہ سوئٹزر لیڈر دا گورننس سسٹم بہترین اے۔ ایتھے اک ملزم چالھی گڈیاں دے پروٹوکول نال احتساب عدالت آؤندا اے۔ ادارے میرٹ دا نظام لیان تے ملک اگانہ نکل جاندا اے۔ اوہناں دا کہنا سی کہ اُتانہ جان والے معاشرے وچ انصاف تے میرٹ دا نظام چنگا ہوندا اے۔
