نیپال توں لاپتا ہون والے کرنل (ر) حبیب دی بیوی دا آرمی چیف نوں خط

اسلام آباد(پاکستان پوائنٹ نیوز12۔اکتوبر2017ء) نوکری لئی نیپال جان والے کرنل (ر) حبیب ظاہر دی بیوی روبینہ شاہین چودھری نے خاوند دے لاپتا ہون بارے سربراہ پاک فوج جنرل قمر جاوید باجوہ نوں خط لکھیا اے۔ خط وچ آکھیا گیا اے کہ میرا خاوند نوکری دے سلسلے وچ نیپال گیا توں اوتھوں لاپتا ہو گیا۔ اوہناں دی رہائی لئی سارے قانونی راہ اختیار کیتے پر اجے تیکر اوہناں دا کُجھ پتا نہیں لگ سکیا۔ روبینہ شاہین نے آرمی نوں لکھیا کہ کرنل (ر) حبیب ظاہر دے لاپتا ہون بارے تھانے وچ مقدما وی درج کروایا۔ اقوام متحدہ نوں ایس حوالے نال خط لکھیا جدکہ نیپالی حکومت توں وی درخاست کیتی پر ہن تیکر اوہناں ولوں کوئی جواب نہیں ملیا۔ (ر) فوجی دی بیوی ہون کر کے گھر والے دی رہائی دی اپیل کردی آں۔