عمران خان نے نااہل قرار دتے جان مگروں سیاست چھڈن دا اعلان کر دتا

لاہور(پاکستان پوائنٹ نیوز12۔اکتوبر2017ء) عمران خان نے نااہل قرار دتے جان دی صور ت وچ سیاست چھڈن دا اعلان کر دتا اے۔ تفصیل مطابق تحریک انصاف دے سربراہ عمران خان نے نجی ٹی وی چینل دے پروگرام وچ گل بات کردے ہوئے اعلان کیتا اے کہ جے اوہناں نوں نااہل کیتا گیا تے اوہ سیاست چھڈ دین گے۔ عمران خان نے ہور آکھیا اے کہ اک بندے نے عدالت توں سزا پان مگروں پارٹی دا صدر بن کے قانون و آئین دا مذاق اُڈایا۔ پر اوہ اجیہا کُجھ نہیں کرن گے۔ یاد رہوے کہ مسلم لیگ (ن) دے رہنما حنیف عباسی دی پٹیشن اُتے سپریم کورٹ وچ عمران خان خلاف نااہلی دا کیس چل رہیا اے۔ کیس دی سنوائی مکمل ہو گئی اے جدکہ ایہدا فیصلا چھیتی آن دا امکان اے۔