سابق وزیر اعظم ظفر اللہ خان جمالی نے مسلم لیگ (ن) نوں چھڈ دتا

سابق وزیر اعظم ظفر اللہ خان جمالی نے مسلم لیگ (ن) نوں چھڈ دتا

اسلام آباد(پاکستان پوائنٹ نیوز12۔اکتوبر2017ء) حکمران جماعت وچ پُھٹ پے گئی۔ سابق وزیر اعظم ظفر اللہ خان جمالی نے مسلم لیگ (ن) نوں چھڈ دتا اے۔ تفصیل مطابق حکمران جماعت وچ پُھٹ پے گئی اے۔ بلوچستان توں تعلق رکھن والے رکن قومی اسمبلی و سابق وزیر اعظم میر ظفر اللہ خان جمالی نے حکمران جماعت مسلم لیگ (ن) نوں چھڈ دتا اے ۔ میر ظفر اللہ خان نے قومی اسمبلی دے اجلاس وچ سابق وزیر اعظم میاں محمد نواز شریف نوں تنقید دا نشانہ وی بنایا سی۔

جہدے مگروں اوہناں دے پارٹی نال تعلقات خراب ہو گئے۔ آخیر ہن اوہناں نے مسلم لیگ (ن) نوں چھڈن دا اعلان کیتا اے۔ وسیلیاں مطابق میر ظفر اللہ خان جمالی ساتھیاں نال مشورے مگروں اگانہ ودھن دا فیصلا کرن گے۔ یاد رہوے کہ میر ظفر اللہ خان جمالی ازاد امیدوار دی حیثیت نال الیکشن جِت کے مسلم لیگ (ن) وچ رلتی ہوئے سن۔