کراچی : چھرا مار مگروں پنجہ مار گروپ ساہمنے آ گیا

کراچی(پاکستان پوائنٹ نیوز11۔اکتوبر2017ء) کراچی وچ چھرا مار مگروں پنجہ مار گروپ ساہمنے آ گیا اے۔ تفصیل مطابق کراچی وچ پچھلے کُجھ دناں توں سوانیاں اُتے ہون والے حملیاں کارن شہر وچ ڈاڈھا خوف کھلریا اے۔ اجے پولیس چھرا مار گروپ نوں گرفتار نہیں کر سکی سی کہ ہن کراچی وچ سوانیاں خلاف پنجہ مار گروپ ساہمنے آ گیا اے۔ نجی ٹی وی چینل دی رپورٹ مطابق کراچی دے علاقے بہاد ر آباد وچ اک گھریلو ملازمہ اُتے گھر جاندے ہوئے اک نامعلوم موٹر سائیکل سوار ولوں حملا کیتا گیا۔ حملا آور نے سوانی اُتے پنجے نال حملا کیتا۔ حملے وچ سوانی دے مونہ تے دھون اُتے زخم آئے۔ واقعے مگروں پولیس وقوعہ تے پہنچی تے سوانی دا بیان ریکارڈ کیتا۔ پولیس نے معاملے دیاں تحقیقات شروع کر دتیاں نیں۔