شیخ رشید وچ جے رتی برابر سچائی تے جرات اے اوہ سپریم کورٹ وچ دائر میرے مقدمے دا ساہمنا کرے: شکیل اعوان

شیخ رشید وچ جے رتی برابر سچائی تے جرات اے اوہ سپریم کورٹ وچ دائر میرے مقدمے دا ساہمنا کرے: شکیل اعوان

راولپنڈی(پاکستان پوائنٹ نیوز11۔اکتوبر2017ء)پاکستان مسلم لیگ (ن) دے سابق رکن قومی اسمبلی ملک شکیل اعوان نے آکھیا اے کہ دوجیاں اُتے جھوٹھے الزام لا کے تے ’طوطا فال‘ راہیں سال بھر کئی تاریخاں دے کے جھوٹھی شہرت پان وچ ماہر شیخ رشید وچ جے رتی برابر سچائی یاں دیانتداری ہوندی تے پچھلے تن سال توں سپریم کورٹ وچ دائر میرے مقدمے دا ساہمنا کردا ، جہدے وچ میں ثابت کیتا اے کہ شیخ رشید نے پرویز مشرف دے دور وچ وفاقی وزیر تے صدر دا ترجمان رہ کے ارباں رُپئے دیاں جائیداداں بنائیاں ۔

اوہناں دا کہنا سی کہ شیخ رشید نے وڈے وڈے کاروباری لوکاں توں بھتے دی صورت وچ کوٹھیاں تے محل لئے۔ اوہناں دا کہنا سی کہ میڈیا ساہمنے اپنے آپ نوں بہترین وکیل ظاہر کرن تے سپریم کورٹ دے ججاں توں داد لین دا دعویدار میرے دائر مقدمے وچ نہ صرف بہت سارے وکیل کر چکیا اے بلکہ جدوں سپریم کورت وچ تاریخ نکلدی اے وکیل نہ ہون تے کسے فوتگی یاں بیماری دا بہانہ کر کے میرے توں مونہ لُکاندا اے۔