لاہور(پاکستان پوائنٹ نیوز11۔اکتوبر2017ء) سابق وزیر اعظم میاں محمد نواز شریف دے پُترحسن تے حسین نواز دے گھر باہر عدالتی مطلوب ہون دے نوٹس لگ گئے نیں۔ دسیا گیا اے کہ نواز شریف دے پُتر حسن تے حسین نوازنوں نیب ریفرنس دے سلسلے وچ اشتہاری قرار دین دی کارروائی شروع کر دتی گئی اے۔ جہدے مگروں لاہور جاتی امراء وچ حسن تے حسین نواز دے گھر باہر نوٹس لگ گئے نیں۔
نیب ریفرنسز دی کارروائی دے سلسلے وچ حسن تے حسین دے مطلوب ہون دے نوٹس برطانیہ وی گھلے گئے نیں جدکہ 30دن اندر حسن تے حسین نواز پیش نہ ہوئے تے اوہناں دے وارنٹ گرفتاری جاری ہون گے۔ یاد رہوے کہ احتساب عدالت نے نیب ریفرنسز وچ لگاتار حاضر نہ ہون اُتے حسین تے حسن نواز دے وارنٹ گرفتاری جاری کردے ہوئے اوہناں نوں اشتہاری قرار دتا سی۔
