پنجابی اسمبلی وچ کورم پورا نہ ہون دی ”ہیٹرک“ پوری

لاہور(پاکستان پوائنٹ نیوز26۔اگست 2016ء) پنجاب اسمبلی وچ حکومت نے کورم پورا نہ کرن دی ”ہیٹرک“ پوری کر دِتی۔ تفصیل دے مطابق جمعے دے دیہاڑے پنجاب اسمبلی دا اجلاس سپیکر رانا محمد اقبال خان دی صدارت ہیٹھ مِتھے ویلے 9 وجے دی بجائے 10 وجے ہویا۔ قرآن پاک دی تلاوت توں بعد سوالاں دے وقفے دے دوران کالونیز محکمے دے پارلیمانی سیکرٹری چودھری زاہد اکرم نے سولاں دے جواب دینے سن پر اوہ 11 سوالاں وچوں 8 دے تقریبن 3 ورھیاں بعد وی جواب نہیں دے سکے، جہدے اُتے حکومتی تے اپوزیشن ارکان نے ڈاڈھا احتجاج کردے ہوئے سپیکر توں ذمے واریاں خلاف سخت کارروائی دا مطالبا کیتا اے جدکہ نگہت ناصر شیخ سنے تِن ارکان اسمبلی دے سوالاں دے ایجنڈے وچ جواب آئے پر اوہ آپ ایوان وچ موجود نہیں سن ایسے دوران (ق) لیگ دے رکن اسمبلی احمد شاہ نے کورم دی نشان کاری کیتی کہ ایوان وچ صرف 71 ارکان دی موجودگی پاروں کورم پاروں نہ ہون اُتے سپیکر نے اجلاس پیر دے دیہاڑے 2 وجے تیکر ملتوی کردِتا جدکہ (ن) لیگ دے پنجاب اسمبلی وچ چیف و پارلیمانی سیکرٹری رانا ارشد نے آکھیا کہ پارٹی نے (ن) لیگ ارکان اسمبلی دی ایوان توں مسلسل غیر حاضری دا سخت نوٹس لے لِتا اے جہدے بعد فیصلا کیتا گیا کہ (ن) لیگ دے اوہ ارکان اسمبلی جو تِن دن توں ایوان دی کارروائی وچ وچ حصہ لین لئی نہیں آئے اوہناں خلاف کارروائی وی کیتی جاوے گی جدکہ اوہناں دیاں تنخاہواں تے سہولتاں توں وی 3 دن دی کٹوتی کیتی جاوے گی ۔