ملتان(پاکستان پوائنٹ نیوز26۔اگست 2016ء) عدالت نے ملتان پولیس دی درخاست اُتے قندیل بلوچ قتل کیس وچ ملوث دو بھراواں نوں اشتہاری قرار دے دِتا ۔تفصیل دے مطابق ملتان پولیس نے عدالت وچ قندیل بلوچ قتل کیس دی تفتیش دے دوران قندیل دے دو بھراواں عارف تے اسلم شاہین نوں اشتہاری قرار دین دی درخاست کیتی۔ درخاست وچ موقف اختیار کیتا گیاکہ قندیل بلوچ دے گرفتار بھرا محمد وسیم توں تفتیش دے بعد قتل وچ عارف تے اسلم دا ملوث ہونا وی ثابت ہو رہیااے جدکہ اوہناں نوں تفتیش وچ شامل ہون دا آکھیا گیا پر اوہ ہُن تیکر پولیس سامنے پیش نہیں ہوئے۔
جہدے اُتے جوڈیشل مجسٹریٹ نے دوویں بھراواں عارف تے اسلم شاہین نوں اشتہاری قرار دے دِتا اے۔ یاد رہوے کہ عارف سعودی عرب وچ رہنداے جدکہ اسلم شاہین سرکاری ملازم اے۔
