لاہور(پاکستان پوائنٹ نیوز26۔اگست 2016ء) پاکستانی نژاد برطانوی باکسر عامر خان نے آکھیا اے کہ پاکستان کھیڈاں لئی پر امن ملک اے، پاکستان وچ باکسنگ دا بہت ٹیلنٹ اے بس ایہنوں نکھارن دی لوڑ اے۔ نجی ٹی دے پروگرام وچ گل بات کردے ہوئے باکسر عامر خان دا کہنا سی کہ اوہ 8 سال دی عمر توں باکسنگ کر رہے نیں تے 17 سال دی عمر توں اولمپکس وچ رلتی کر کے کامیابیاں دا سلسلا شروع کیتی ہوئی نیں، اوہناں نے آکھیا کہ پاکستان کھیڈاں لئی پر امن ملک اے تے ایتھوں دے واسی بہت چنگے دل دے مالک نیں۔
اوہناں نے آکھیا کہ اوہناں دی فیملی نِکی عمر توں ای گرمیاں دیاں چھٹیاں پاکستان وچ لنگھاندی سی تے ہُن وی ایہ سلسلا جاری اے۔ عامر خان دا کہنا سی کہ اوہ چاہیواناں توں نہیں گھبراندے تے اوہناں دیاں سیلفیاں دی فرمائش اُتے کدی انکار وی نہیں کیتا۔ اک سوال دے جواب وچ پاکستانی نژاد برطانوی باکسر دا کہنا سی کہ پاکستان نال تعلق ہون پاروں مینوں کرکٹ نال بہت لگاؤ اے۔
