خطے وچ معاشی استحکام لئی کوششاں کیتیاں۔

پاکستان سرمایا کاری لئی محفوظ ملک اے: وزیر اعظم پاکستان خطے دے لوکائی دیاں امیداں نوں پوریاں کرن لئی اپنا کردار ادا کردارہوے گا: سارک خزانا وزیراں دی کانفرنس نال خطاب

خطے وچ معاشی استحکام لئی کوششاں کیتیاں۔
پاکستان سرمایا کاری لئی محفوظ ملک اے: وزیر اعظم پاکستان خطے دے لوکائی دیاں امیداں نوں پوریاں کرن لئی اپنا کردار ادا کردارہوے گا: سارک خزانا وزیراں دی کانفرنس نال خطاب

اسلام آباد(پاکستان پوائنٹ نیوز26۔اگست 2016ء) وزیر اعظم میاں نوازشریف نے آکھیا اے کہ خطے وچ معاشی استحکام لئی بڑیاں کوششاں کیتیاں، اقتصادی شعبے دیاں مثبت پالیسیاں پاروں پاکستان صحیح راہ ول جارہیا اے۔ پاکستان سارک ملکاں نال رلکے کم کرن لئی ہر ویلے تیار اے، فورم ولوں امن لئی کیتے جان والے سارے مثبت اقدامات دی حمایت جاری رکھیاں گے جدکہ کسٹمز، دوہرے ٹیکس، اقتصادی مالیاتی تعاون بارے کانفرنس وچ غور سارک نوں زیادہ مقصد جوگ بنان وچ مدد گار ثابت ہووے گا۔

تفصیل دے مطابق جمعے دے دیہاڑے اسلام آباد وچ سارک وزیر خزانا کانفرنس دے 8 ویں اجلاس دی افتتاحی تقریب نال خطاب کردے ہوئے وزیر اعظم نے آکھیا کہ پاکستان 9 تے 10 نومبر نوں اسلام آباد وچ 19 ویں سارک سربراہ کانفرنس دی پروہن چاری دا اُدیکن ہار تے تنظیم نوں اگے لیجان دا چاہیوان اے۔ پاکستان خطے دے لوکائی دیاں امیداں نوں پوریاں کرن لئی اپنا کردار ادا کردارہوے گا۔

وزیر اعظم نے آکھیا کہ پاکستان نے خطے وچ امن دے قیام لئی بہت کوششاں کیتیاں تے اہم کردار ادا کیتا، علاقائی سطح اُتے وی سماجی برائیاں اُتے قابو پان دیاں کوششاں دی بھرپور کوشش کر رہے آں۔ اوہناں نے آکھیا کہ اسیں سرمایا کاری لئی حالات نوں پرامن بنان رہے آں، خطے وچ معاشی استحکام لئی بے پناہ کوششاں کیتیاں تے اقتصادی شعبے دیاں مثبت پالیسیاں پاروں پاکستان صحیح راہ اُتے ٹُتر رہیا اے ۔