دشمن نے مہم جوئی کیتی تے اوہنوں بھاری نقصان برداشت کرنا پئے گا: آرمی چیف

دشمن نے مہم جوئی کیتی تے اوہنوں بھاری نقصان برداشت کرنا پئے گا: آرمی چیف

راولپنڈی(پاکستان پوائنٹ نیوز09۔اکتوبر2017ء) چیف آف آرمی سٹاف جنرل قمر جاوید باجوہ نے خبردار کیتا اے کہ دشمن نے مہم جوئی کیتی تے اوہنوں بھاری نقصان برداشت کرنا پئے گا‘ پاکستان امن پسند ملک اے، دہشت گردی خلاف ساڈی جنگ کامیابیاں نال ہمکنار ہو گئی اے‘پاکستان نے دہشت گردی خلاف سبھ توں ودھ قربانیاں دتیاں‘ ساڈی فضائیہ نے پاک افغان سرحد اُتے دہشت گرداں دے ٹھکانے تباہ کیتے۔

آئی ایس پی آر مطابق پی اے ایف اصغر خان اکیڈمی وچ گریجویشن کیڈٹس دی تقریب دا آہر کیتا گیا۔ آرمی چیف جنرل قمر جاوجدہ باجوہ نے تقریب وچ پاس آؤٹ ہون والے 129کیڈٹس نوں بیجز لائے۔جنرل قمر جاویو باجوہ نے تقریب نال خطاب کردے ہوئے آکھیا کہ شاندار پریڈ تے تربیت دا اعلا معیار بی اے ایف اکیڈمی دا امتیاز اے۔ پاک فضائیہ ملک دے دفاع دا اہم ترین عنصر اے۔

پی اے ایف دی بہترین کارکردگی کارن دہشت گردی اُتے قابو پان وچ مدد ملی۔ اوہناں نے آکھیا کہ پاکستان امن پسند ملک اے۔ کامیابی دا کوئی شارٹ کٹ نہیں ہوندا۔ دہشت گردی خلاف ساڈی جنگ کامیابیاں نال جاری رہوے گی۔آرمی چیف دا کہنا سی کہ دہشت گردی خلاف جنگ وچ کامیابی نال پاکستان نوں داخلی استحکام ملدا اے۔ امن دا قیام پاکستان وچ استحکام تے سلامتی دا ضامن اے۔ اوہناں نے آکھیا کہ ہتھیار بند فوجی ہر قسم دے چیلنجاں لئی تیار اے۔ دشمن نے کوئی مہم جوئی کیتی تے اوہنوں بھاری نقصان برداشت کرنا پئے گا۔