اسلام آباد(پاکستان پوائنٹ نیوز07۔اکتوبر2017ء) وزیر اعظم شاہد خاقان عباسی نے آکھیا اے کہ موجودہ حکومت دے دور وچ پہلی وار گیس دی کھپت وچ وادھے دے نال نال اینی ای ماترا وچ گیس دے نظام وچ وادھا کیتا گیا اے جو اک وڈی کامیابی اے، کندھ کوٹ گیس فیلڈ وچ گیس دی پیداوار وچ وادھے دا ٹارگٹ حاصل کرن اُتے پی پی ایل مبارکباد دی مستحق اے، اج دے منصوبے دا افتتاح گدو پاور پلانٹ لئی اہم پیش رفت اے‘ ملکی معیشت دی ترقی وچ پی پی ایل دیاں خدمتاں دا گھیرا کھلر رہیا اے۔
ایہناں خیالاں دا اظہار وزیر اعظم شاہد خاقان عباسی نے پاکستان پٹرولیم لمیٹڈڈ (پی پی ایل) دے آہر ہیٹھ کندھ کوٹ گیس فیلڈ وچ گیس دی پیداوار وچ وادھے دے منصوبے دا افتتاح کردے ہوئے آکھی۔ ایس موقعے تے گورنر سندھ محمد زبیر‘ وزیر مملکت پٹرولیم جام کمال‘ وزیر مملکت بین الصوبائی رابطہ ڈاکٹر درشن‘ پی پی ایل دے منیجنگ ڈائریکٹر سید وامق بخاری تے ہور وی موجود سن۔
وزیر اعظم نے افتتاحی تختی دی نقاب کشائی کر کے منصوبے دا افتتاح کیتا۔ کندھن کوٹ وچ پہلی وار گیس دی دریافت 1959وچ ہوئی سی۔ وزیر اعظم شاہد خاقان عباسی نے آکھیا اے کہ موجودہ حکومت دے دور وچ پہلی وار گیس دی کھپت وچ وادھے دے نال نال اینی ای ماترا وچ گیس دے نظام وچ وادھا کیتا گیا اے جو اک وڈی کامیابی اے۔ اوہناں دا کہنا سی کہ کندھ کوٹ گیس فیلڈ وچ گیس دی پیداوار وچ وادھے دا ٹارگٹ حاصل کرن اُتے پی پی ایل مبارکباد دی مستحق اے۔ وزیراعظم دا ایس موقعے تے کہنا سی کہ اج دے منصوبے دا افتتاح گدو پاور پلانٹ لئی اہم پیش رفت اے۔
