لوک بالاں دے اغوا دیاں خبراں اُتے توجا نہ دین: سپریم کورٹ سوشل میڈیا اُتے بالاں دے اغوا بارے پروپیگنڈا کیتا جا رہیا اے: ایڈیشنل آئی جی

لوک بالاں دے اغوا دیاں خبراں اُتے توجا نہ دین: سپریم کورٹ سوشل میڈیا اُتے بالاں دے اغوا بارے پروپیگنڈا کیتا جا رہیا اے: ایڈیشنل آئی جی

لاہور(پاکستان پوائنٹ نیوز25۔اگست 2016ء) سپریم کورٹ نے بالاں دے اغوا بارے آپ نوٹس کیس دی سنوائی دے دوران بالاں دے اغوا بارے رپورٹ بنان لئی ایڈووکیٹ جنرل دی سربراہی وچ کمیٹی بنا دِتی۔ جسٹس ثاقب نثار نے ریمارکس دتے کہ ملک دشمن عناصر سوشل میڈیا دے ذریعے افواہواں کھلار رہے نیں جہدا مقصد خوف کِھلارنا اے۔ لوک بالاں دے اغوا دیاں خبراں اُتے توجا نہ دین، ایہ وطن نال محبت نہیں، اوہناں نوں ہر صورت پھڑیا جاوے، میڈیا وی اپنا کردار ادا کرے سنسنی نہ کِھلاری جاوے۔

تفصیل دے مطابق جمعرات نوں جسٹس ثاقب نثار دی سربراہی وچ دو رکنی بنچ نے لاہور رجسٹری وچ بالاں دے اغوا بارے آپ نوٹس کیس دی سنوائی کیتی۔ ایس موقع اُتے ایڈیشنل آئی جی عارف نواز نے عدالت وچ دسیا کہ سپریم کورٹ دے آپ نوٹس لین دے بعد 310 بالاں دے گواچن دے واقعات ہوئے، جولائی توں ہُن تیکر 170 بال بازیاب کرائے جا چکے نیں، ایڈیشنل آئی جی عارف نواز نے آکھیا کہ سوشل میڈیا اُتے بالاں دے اغوا بارے پروپیگنڈا کیتا جا رہیا اے۔

ایس موقع اُتے کنگ ایڈورڈ کالج دے وائس چانسلر پروفیسر فیصل مسعود وی عدالت وچ پیش ہوئے اوہناں نے عدالت نوں دسیا کہ ملک بھر وچ بالاں دے انگاں نوں ٹرانسپلانٹ کرن لئی 11 ہسپتال موجود نیں۔ ایہناں ہسپتالاں وچ بالاں دے اَنگ ٹرانسپلانٹ کرن دا کوئی واقعا پیش نہیں آیا، فیصل مسعود نے عدالت نوں دسیا کہ 5 ورھیاں توں گھٹ عمر بالاں دے اَنگ ٹرانسپلانٹ نہیں کیتے جا سکے جدکہ تیرھاں ورھیاں دے بال دے انگ ٹرانسپلانٹ کرن ویلے اُچیچی اجازت لِتی جاندی اے۔

عدالت نے ایڈووکیٹ جنرل پنجاب توں پِچھیا کہ بالاں دے اغوا بارے خبراں نوں کِھلار رہیا اے جہدے اُتے جواب دیندے ہوئے ایڈووکیٹ جنرل نے آکھیا کہ اجے تیکر انج دا کوئی گینگ سامنے نہیں آیا، پر اِنج دیاں خبراں سوشل میڈیا اُتے گھم رہیاں نیں۔ ایس موقع اُتے جسٹس ثاقب نثار نے آکھیا کہ ملک دشمن عناصر سوشل میڈیا دے ذریعے افواہواں کِھلار نیں جہدا مقصد خوف کِھلارنا اے، لوک بالاں دے اغوا دیاں خبراں اُتے توجا نہ دین۔ اوہناں نے آکھیا کہ ایڈووکیٹ جنرل دی سربراہی وچ اک کمیٹی بنائی جو کہ بالاں دے اغوا دے معاملے اُتے تفصیلی رپورٹ بنائی گی۔