کراچی(پاکستان پوائنٹ نیوز25۔اگست 2016ء) سندھ ہائی کورٹ نے سابق وزیر اطلاعات سندھ شرجیل انعام میمن دی نیب انکوائری خلاف درخاست پیروی نہ کرن اُتے رد کر دِتی اے۔ عدالت نے سیکرٹری اطلاعات سنے دو افسراں دی ضمانت خارج کرکے اوناں نوں جیل گھلن دا حکم دے دِتا۔تفصیل دے مطابق جمعرات دے دیہاڑے سندھ ہائی کورٹ دے جسٹس عرفان سعادات خان دی سربراہی وچ دو رکنی بنچ نے محکما اطلاعات سندھ وچ کروڑاں رُپئے کرپشن اُتے نیب انکوائری خلاف درخاستاں دی سنوائی کیتی۔
سنوائی دوران عدالت نے شرجیل میمن دی نیب انکوائری خلاف درخاست پیروی نہ ہون پاروں رد کر دِتی تے عدالت نے سیکرٹری اطلاعات سندھ ذوالفقار شلوانی تے ڈائریکٹر انفارمیشن فواد عالم دی ضمانت خارج کر دِتی۔ عدالت نے ریمارکس دِتے کہ ضمانت لین دے بعدتوں دوویں افسر غیر حاضر نیں، نیب دے مطابق شرجیل میمن تے محکما اطلاعات دے ہور افسراں نے اشتاراں دی مد وچ کروڑاں رُپئے دا غبن کیتا، جہڑیاں کمپنیاں نوں اشتہار دِتے اوہ پیسے قومی خزانے وچ جمع کروائی لئی راضی ہ وگئیاں نیں۔ عدالت نے آکھیا کہ جِہڑے افسراں نے کرپشن کیتی اوہناں دا حساب ہونا چاہیدا۔
