ایم کیو ایم خلاف کریک ڈاؤن جاری، کئی سیکٹر تے یونٹ دفتر بند کر دِتے گئے

کراچی(پاکستان پوائنٹ نیوز25۔اگست 2016ء) کراچی وچ متحدہ قومی موومنٹ خلاف کریک ڈاؤن پچھلے دیہاڑے وی جاری رہیا تے ایس سلسلے وچ قانون نافذ کرن والے اداریاں نے مختلف سیکٹر تے یونٹ دفتراں نوں تالے لا دِتے نیں۔ تفصیل دے مطابق ایم کیو ایم دے قائد ولوں جھیڑوی تقریر دے بعد توں ایم کیو ایم خلاف کریک ڈاؤن جاری اے تے ایس سلسلے وچ کراچی وچ قانون نافذ کرن والے اداریاں نے ایم کیو ایم دے کئی دفتراں اُتے تالے لا دِتے نیں تے ایس دوران قانون نافذ کرن والے داریاں دے اہلکاراں نے دفتراں دے باہر پرچیاں وی لائیاں، جہناں اُتے لکھیا گیا اے کہ بغیر اجازت بوہا کھولن والے بندیاں خلاف کارروائی کیتی جاوے گی۔