امجد صابری قتل کیس: مقامی عدالت نے جیل وچ قید ملزم توں تفتیش دی اجازت دے دِتی

کراچی(پاکستان پوائنٹ نیوز25۔اگست 2016ء) امجد صابری قتل کیس دیاں تحقیقات اجے جاری نیں۔ تے ایس سلسلے وچ مقامی عدالت نے کیس دیاں تحقیقات لئی تحقیقاتی کمیٹی نوں جیل وچ قید ملزم توں تفتیش دی اجازت دے دِتی اے۔ تفصیل دے مطابق امجد صابری قتل کیس وچ مقامی عدالت نے جیل وچ قید ملزم توں تفتیش دی اجازت دے دِتی۔ ملزم عبداللہ عرف دانش موٹر سائیکل چوری دے مقدمے وچ جیل وچ قید اے۔ تفتیشی افسر نے مقامی عدالت وچ ملزم توں تفتیش کرن دی اجازت بارے درخاست جمع کروائی ہوئی سی جہنوں عدالت نے منظور کردے ہوئے تفتیش دی اجازت دے دِتی اے۔