پشاور(پاکستان پوائنٹ نیوز26۔ستمبر2017ء) جمعیت علمائے اسلام (ف) تے مسلم لیگ (ن) دے مرکزی رہنماواں نے پشاور وچ پریس کرنفرنس کردے ہوئے این اے 4دے ضمنی الیکشن وچ سانجھا امیدوار ساہمنے لیان دا اعلان کیتا اے۔ جے یو آئی دا امیدوار مسلم لیگ (ن) دے حق وچ دستبردار ہو گیا۔ تفصیل مطابق امیر مقام‘ مرتضی جاوید عباسی تے جے یو آئی دے رہنماواں نے پریس کانفرنس کردے ہوئے سانجھا امیدوار لیان دا اعلان کیتا۔
ایس موقعے تے جے یو آئی دے مولانا گل نصیب دا کہنا سی کہ این اے 4اُتے (ن) لیگ تے جے یو آئی دا سانجھا امیدوار ہوئے گا۔ ساڈی خاہش اے کہ حکومت اپنی آئینی مدت پوری کرے۔ خیبر پختونخواہ وچ کوئی تبدیلی نظر نہیں آ رہی جدکہ مسلم لیگ (ن) دے رہنما امیر مقام دا کہنا سی کہ جے یو آئی (ف) نال پہلے توں اتحاد اے۔ خیبر پختونخواہ وچ تبدیلی دے جھوٹھے دعوے کیتے گئے سن۔
