اسلام آباد(پاکستان پوائنٹ نیوز22۔ستمبر2017ء) مسلم لیگ (ن) اندر مریم نواز تے چودھری نثار علی خان گروپ وچکار اختلافات ودھ گئے نیں‘ سابق وزیر داخلا نے شہباز شریف نال ہون والی ملاقات دوران نواز شریف دا مریم نواز نوں پارٹی صدر بنان دے پیغام اُتے صاف انکار کردے ہوئے آکھیا کہ اج نواز شریف تے اوہناں دی پارٹی نوں بحراناں وچ پان دی ذمے وار مریم نواز تے اوہدا مخصوص گروپ اے۔
میڈیا رپورٹس مطابق بدھ دے دیہاڑے وزیر اعلا پنجاب میاں شہباز شریف نے سابق وزیر داخلا نال ملاقات کیتی سی۔ ملاقات دوران شہباز شریف نے چودھری نثار نوں سابق وزیر اعظم میاں نواز شریف دا اہم پیغام پہنچایا کہ اوہ مریم نواز نوں پارٹی دا صدر بنان دے حامی نیں جہدا چودھری نثار نے واضح طور اُتے دو ٹوک لفظاں وچ جواب دیندے ہوئے آکھیاکہ مریم نواز دی قیادت وچ کسے صورت وی کم نہیں کر سکدا کیونکہ اج پارٹی تے نواز شریف دے جو حالات نیں اوہناں ساریاں دا ذمے وار مریم نواز تے اوہناں دا قریبی گروپ اے۔
