پاک بھارت ڈی جی ایم اوز دا ہاٹ لائن اُتے رابطہ‘ شہریاں نوں نشانہ بنان دا معاملا چُکیا

راولپنڈی(پاکستان پوائنٹ نیوز22۔ستمبر2017ء) پاک بھات ڈی جی ایم اوز دا ہاٹ لائن اُتے رابطہ ہویا اے‘ رابطے دوران پاکستانی ڈی جی ایم اومیجر جنرل ساحر شمشاد مرزا نے ورکنگ باؤنڈری اُتے شہریاں نوں نشانہ بنان دا معاملا چُکیا۔ آئی ایس پی آر مطابق پاک بھارت ڈی جی ایم واز دے ہاٹ لائن اُتے رابطے دوران پاک فوج نے شہریاں دی حفاظت یقینی بنان لئی عزم دا وکھالا کیتا۔

پاکستانی ڈی جی ایم او میجر جنرل ساحر شمشاد مرزا نے آکھیا کہ پاکستان اپنے شہریاں دی حفاظت لئی ہر ضروری کم کرے گا۔ پاک فوج ولوں آؤندے ویلے وچ بھارتی جارحیت دا بھرپور جواب دتا جائے گا۔ اوہناں نے آکھیا کہ سیز فائر سمجھوتے دی خلاف ورزی نال دوویں ملکاں وچکار مفاہمت نوں نقصان اپڑدا اے۔ ورکنگ باؤنڈری اُتے بھارتی فائرنگ سیز فائر سمجھوتیاں دی خلاف ورزی اے۔ یاد رہوے کہ بھارتی فوج نے ورکنگ باؤنڈری اُتے سیز فائر سمجھوتے دی خلاف ورزی کردے ہوئے شہری آبادی نوں نشانہ بنایا۔ بھارتی فائرنگ دے نتیجے وچ 6پاکستانی شہری شہید تے 26زخمی ہو گئے۔زخمیاں وچ 15سوانیاں تے 5بال شامل نیں۔