مشرف شرم کرو، متاثرا خاندان اُتے الزام لاندے ہوئے: آصفہ بھٹو

لندن(پاکستان پوائنٹ نیوز22۔ستمبر2017ء) سابق صدرآصف علی زرداری دی دھی آصفہ بھٹو زرداری نے آکھیا اے کہ متاثرا خاندان اُتے الزام لاندے ہوئے مشرف نوں شرم آنی چاہیدی۔ تفصیل مطابق آصفہ بھٹو دا سابق صدر جنرل (ر) پرویز مشرف ولوں بے نظیر بھٹو دے قتل دا الزام آصف علی زرداری اُتے لان بارے ردعمل دیندے ہوئے کہنا سی کہ متاثرا خاندان اُتے الزام لاندے ہوئے مشرف نوں شرم آنی چاہیدی۔ یاد رہوے کہ سابق صدر پرویز مشرف نے بے نظیر بھٹو دے قتل دا الزام آصف علی زرداری اُتے لاندے ہوئے آکھیا سی کہ قتل دا فائدہ صرف اک بندے نوں ہویا جہدا ناں آصف زرداری اے۔